Како дел од корпоративната стратегија, ОКТА е посветена да возврати и на значаен начин да придонесе во општеството каде што работиме и живееме. Имајќи го предвид фактот дека сме една од најголемите компании во земјата, веруваме дека со користење на нашите ресурси и работна сила, можеме да придонесеме и влијаеме за доброто на целата заедница. Ја препознаваме одговорноста да бидеме добар корпоративен граѓанин и затоа сме посветени на постигнување видливи и мерливи бенефити за нашите вработени, нашите клиенти и општеството во целина.
Важна улога во општествено-одговорниот концепт на компанијата имаат и нашите вработени, кои често доброволно иницираат и се вклучуваат во хуманитарни активности.
Во овој контекст, помеѓу позначајните иницијативи на ОКТА во текот на 2023 година се вбројуваат следните:
Главен спонзор на машката сениорска кошаркарска репрезентација во Олимписки претквалификации и квалификации за EuroBasket 2025
Поддршка на културни активности преку спонзорирање на реномираните музички фестивали Охридско Лето, Скопје Џез Фестивал и ОФФест, Скопско лето
Поддршка на вториот годишен Скопје ЕКОНОМСКИ ФОРУМ
Донација на опрема во форма на кациги, ѕвончиња и светла за поголема безбедност во сообраќајот на велосипедистите и мотоциклистите
Донација на 3 кровни фотоволтаични системи за едукативни институции во државата
Донација за ранливите групи граѓани преку соработка со Црвениот Крст на Град Скопје.
Донација за Здружението на граѓани за поддршка на лица со ретка болест Вилсон за организација на хуманитарната трка “Подај рака 2023”.
Донација на 6.000 литри гориво за греење за потребите на СОС Детско Село.
Донација на телевизори наменети за подобрување на условите во училиштата во околината на ОКТА како и новогодишни пакетчиња за децата од овие училишта
Црвен крст при ОКТА три пати годишно организира крводарителски акции на кои учествуваат голем број вработени во компанијата.
