Контакт телефон
+389 (0) 2 2532 000
Вук Радовиќ – нов главен извршен директор на ОКТА
(Скопје, 09.01.2020) – Од 1-ви јануари 2020 година нов главен извршен директор на ОКТА е Вук Радовиќ. На раководната позиција во најголемата нафтена компанија во државата доаѓа од Белград, каде во изминатите три години успешно ја извршуваше функцијата генерален директор на ЕКО Србија.
Радовиќ е дел од Хеленик Петролеум Групацијата од 2004 година и за овој период има работено на повеќе раководни позиции во ЕКО Србија и во ЈУГОПЕТРОЛ во Црна Гора. Тој е добар познавач на состојбите на домашниот пазар, со оглед на тоа што во периодот од 2013 до 2016 година работеше како директор за снабдување и трговија во ОКТА. Радовиќ го наследува Јанис Геруланос кој ја извршуваше функцијата главен извршен директор на ОКТА во изминатите пет години.
